tere mere beech me ye kohra

vo tera hisaab kitaab;
bechaini me jindgani gujaar di.
humne jutaya aur lutaaya bahut;
her lamhon ki khushi jindgi me utaar li.
tum shikavon ke harf se kitaab-e-jindgi ki bharte rahe.
hum her shikaayaton ko bhool
masti me jhoomte rahe.
tumhe malaal is baat ka;ke her nafe me kyokar sifar paya.
hume khushi is baat ki;khoya bahut per rang-o-ahsaas-e-safar paya.
are janaab ! khona he jindgi ka naam,
kya khoya toone jo paaya.
yahi se liya aur yahi pe diya,
varna her insaan khaali haath gaya ya aaya.
kis talaash me rooh teri bhatki,
is jahaan me leke kya aaya tha tu.
ye jindgi hi khuda ki amanat thi,
aankhon me chaya tere kohra her su.
tu paas rahke bhi door raha,
kaya khushi thi in faaslon me.
kismat thi achchi ke her door paas ki khushi shaamil mere haashilon me.
paas the to sahej liye rang na jaane kitne.,
door he to fursat me rango se tasveer-e- yaar banaya karate hein;
chatak dhoop ya kohra sa samaa,
pyaar-e-taqdir banaaya karte hein.
ya khuda bas ek lamhe ko,
ye parda hata de kohro ka.
bhool gaya mera humraahi,
jara raah dikhaadu sitaaro ka.
kahna he bas ek baat use ke kyon,
bhool raha ulajh raha hisaabon me;
tere mere beech me chaya kohra,
kyo dastaan bane jindgi ki kitaabon me.

26.1.2016 1.30 at midnight.